Ўзбекистон Олий судида 30 ноябрь куни бўлиб ўтган конференцияда Коррупцияга қарши курашиш агентлиги директори ўринбосари Умида Тўхташева судьяларнинг одоб-ахлоқ қоидаларини қўпол равишда бузиш ҳолатлари учраб турганини айтиб ўтди, дея хабар бермоқда «Дарё» мухбири Мусулмонбек Иброҳимов.
Анжуманда, Умида Тўхташева чиқиш қилиб, 2020 йилнинг октябрь ойида дам олиб қайтаётган Тошкент вилояти суди судьяси маст ҳолатда ички ишлар ходимига фаол қаршилик қилган ҳолати юзасидан маълумот берди.
«Паркент тумани ички ишлар бошқармаси ходимлари томонидан судьянинг автомашинаси тўхтатиб текширилганда, у маст ҳолатда транспорт воситасини бошқариб келаётганлигини аниқлаган. Ҳолат юзасидан ички ишлар ходими томонидан маъмурий баённома расмийлаштириш жараёнида судья ички ишлар ходимига қаршилик кўрсатиб, унинг хизмат кийимини йиртиб, тан жароҳати етказган», – деди Умида Тўхташева.
Изоҳ (0)