O‘zbekiston Oliy sudida 30-noyabr kuni bo‘lib o‘tgan konferensiyada Korrupsiyaga qarshi kurashish agentligi direktori o‘rinbosari Umida To‘xtasheva sudyalarning odob-axloq qoidalarini qo‘pol ravishda buzish holatlari uchrab turganini aytib o‘tdi, deya xabar bermoqda “Daryo” muxbiri Musulmonbek Ibrohimov.
Anjumanda, Umida To‘xtasheva chiqish qilib, 2020-yilning oktabr oyida dam olib qaytayotgan Toshkent viloyati sudi sudyasi mast holatda ichki ishlar xodimiga faol qarshilik qilgan holati yuzasidan ma’lumot berdi.
“Parkent tumani ichki ishlar boshqarmasi xodimlari tomonidan sudyaning avtomashinasi to‘xtatib tekshirilganda, u mast holatda transport vositasini boshqarib kelayotganligini aniqlagan. Holat yuzasidan ichki ishlar xodimi tomonidan ma’muriy bayonnoma rasmiylashtirish jarayonida sudya ichki ishlar xodimiga qarshilik ko‘rsatib, uning xizmat kiyimini yirtib, tan jarohati yetkazgan”, – dedi Umida To‘xtasheva.
Izoh (0)