«Барселона» собиқ бош мураббийи Кике Сетьен каталон клубини судга берди, дея хабар қилмоқда АS.
62 ёшли мутахассис ишдан бўшатилгани учун компенсация тўламаган «Барселона»ни шартнома шартларини бузганликда айбламоқда.
Аввалроқ Сетьеннинг адвокатлари «Барселона»дан 4 миллион евро миқдоридаги компенсация пули талаб қилаётгани хабар қилинганди.
Эслатиб ўтамиз, Сетьен 2020 йилнинг январида «Барселона»да Эрнесто Вальверденинг ўрнини эгаллаганди. «Кўк-анорранглилар» мутахассис қўл остида Ла Лигада 2-ўринни олди, Испания Кубоги чорак финалида ўз юришини тўхтатди. Чемпионлар Лигаси чорак финалида «Бавария»дан учралган йирик мағлубият (2:8) эса мутахассиснинг истеъфосига сабаб бўлди. Унинг жамоа билан шартномаси 2022 йилга қадар мўлжалланганди.
Сетьеннинг ўрнига «Барселона» Рональд Куманни олиб келди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)