«Арсенал» Англия Премьер Лигаси 10-турида «Вулверҳэмптон»га мағлубиятга учради (1:2).
«Канонирлар» мавсумнинг дастлабки 10 та ўйинида 13 очко тўплади. Бу клубнинг Англия чемпионатида 1981/82 йилги мавсумдан кейинги энг ёмон натижаси ҳисобланади. 39 йил аввал жамоа мавсумнинг дастлабки ўнта ўйинида 12 очко жамғарганди. Ўша мавсумни «Арсенал» 3-ўринда якунлаган.
Бир йил аввал лондонликлар устози Унаи Эмери истеъфога чиқарилганди. У ишдан кетган вақтда «Арсенал» 13 ўйинда 18 очко тўплаган ҳолда 8-ўринда бораётганди.
Айни вақтда «Арсенал» 14-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)