Зинедин Зидан «Реал»нинг Чемпионлар Лигаси 5-туридан ўрин олган Донецкнинг «Шахтёр»ига қарши баҳс учун қайдномасини эълон қилди.
Қайдномадан 19 футболчи ўрин олган. Донецликларга қарши ўйинда жароҳати сабаб ҳимоячилар — Даниэль Карвахаль, Серхио Рамос, Альваро Одриосола, ярим ҳимоячи Федерико Вальверде иштирок эта олмайди. Карим Бензема эса жароҳатидан қутулиб сафга қайтган. Лука Йович бўлса ҳали коронавирусдан тузалганича йўқ.
Қайд этиш жоиз, «Реал» Чемпионлар Лигаси 4-туридан сўнг 7 очко билан гуруҳда 2-ўринда бормоқда. «Шахтёр» эса 4 очко билан 3-ўриндан жой олган.
Эслатиб ўтамиз, «Реал» украиналикларга қарши дастлабки баҳсда ўз майдонида 2:3 ҳисобида мағлуб бўлган. «Шахтёр»—«Реал» ўйини 1 декабрь, сешанба куни 22:55 да бошланиши белгиланган.
«Реал»нинг қайдномаси:
Дарвозабонлар: Тибо Куртуа, Андрей Лунин, Диего Алтубе;
Ҳимоячилар: Эдер Милитао, Рафаэл Варан, Начо Фернандес, Марсело, Ферлан Менди, Виктор Чуст;
Ярим ҳимоячилар: Тони Кроос, Лука Модрич, Каземиро, Мартин Эдегор, Иско, Серхи Аррибас;
Ҳужумчилар: Карим Бензема, Марко Асенсио, Лукас Васкес, Винисиус Жуниор, Мариано Диас, Родриго Гоэс.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)