Турк киносаноатидаги энг сўнгги янгиликлар, актёр ва актрисалар билан боғлиқ хабарларни эътиборингизга ҳавола этишда давом этамиз.
Толгахон Сайишман ва унинг рафиқаси Алмеда Абази иккинчи марта фарзандли бўлишга тайёрланмоқда. Жуфтлик илк бор 2019 йилда ота-она бўлганди. Толгахоннинг актёрлик карьерасини ташлаб бизнесни танлашга қарор қилганининг боиси ҳам шу билан боғлиқ чунки узоқ чўзиладиган суратга олиш жараёнлари унинг оиласи билан етарлича вақт ўтказмаслигига сабаб бўлиши мумкин.
Эсра Билгич «Рамо» сериалининг суратга олиш жараёнлари билан боғлиқ саволларга жавоб берди. У Аданадаги суратга олиш жараёнида кабоб сабаб ортиқча вазн тўплагани энди эса ушбу килолардан қутилишга ҳаракат қилаётганини таъкидлаган. Актриса айни вақтда ҳуқуқ соҳасида иккинчи босқичда таълим олади. Эсра пандемия вақти ва суратга олиш жараёнлари вақтида бу осон бўлмаётгани, лекин шунга қарамай ўқишда давом этаётгани ва онлайн дарсларда иштирок этаётганини маълум қилган. Мухбирларнинг актрисалик фаолиятига нуқта қўйиш борасида берган саволига актриса бундай нияти йўқ эканини айтиб жавоб берган.
Мурат Йилдирим ҳам матбуот ходимлари билан суҳбатлашган ва коронавирусга қарши курашиш борасидаги амал қилаётган усуллари билан ўртоқлашган. У тез-тез ўтлардан дамланадиган чой истеъмол қилаётгани, C витаминини канда қилмаётганини билдириб, ҳар 5 кунда улардан COVID-19 тести олинаётганини қўшимча қилган. «Биз қоидаларга амал қилмоқдамиз – ниқоб тақамиз ва ижтимоий масофа сақлаймиз», – деган актёр.
Takvim газетасида фаолият юритадиган Уфук Озжаннинг маълум қилишича, Туба Буюкустун ва Экин Мерт Даймаз учрашишни бошлаган. Умумий танишлари орқали танишган жуфтлик муносабатларини сир сақлашни маъқул билади. Бунга актрисанинг Экиндан 9 ёш катта экани сабаб бўлиши мумкин. Журналистнинг қўшимча қилишича, жуфтлик 1 ойдан бери учрашади.
Киванч Татлитугнинг Polo Ralph Lauren брендидан кийган свитернинг «бозори чаққон» бўлган.
24 ноябрь куни Ханде Эрчел 27-ёшни қаршилади. Актриса туғилган куни муносабати билан мухлисларидан «Саратонсиз ҳаёт уюшмасига» хайрия қилишни сўраган ва бугунги кунгача 105 минг турк лираси, яъни 13188 доллар атрофида маблағ йиғилган.
Али Атай, Алперен Дуймаз, Фунда Эрйигит ва Хафсанур Санжактутан FoxТВ каналида намойиш этиладиган «Сўнгги ёз» сериалининг сенарийси билан танишиб чиқмоқда.
Озан Долунай «Менежеримга қўнғироқ қилинг» сериалига таклиф қилинган юлдузлар сирасидан жой олди. Сюжетга кўра у сериалда Эго агентлигига актёрлик билан боғлиқ муаммо билан ташриф буюради. Унга шантаж қилаётган бир қиз билан шахсий ёзишмалари матбуотда чоп этилмаслиги учун ёрдам керак бўлади.
«Зулейҳа» сериали якунига етиш арафасида. Бу рейтинг билан боғлиқ эмас, шунчаки ҳар бир воқеанинг охири бўлгани сингари сериал ҳам тугатилиши керак. Лойиҳа 2021 йилнинг май ойида тугайди ва шу сабаб ҳам воқеалар давомида ўзгаришлар юз бера бошлайди. Унга кўра Угур Гунеш ва Керем Алишик лойиҳани тарк этади.
Сўнгги вақтда ижтимоий тармоқларда мухлислар муҳаббатига сазовор бўлаётгани таъкидланаётган «Эшигимни қоқ» сериали эса 26-қисмда якунига етиши мумкин. Бунга у намойиш этиладиган Fox ТВ телеканалининг аксари сериаллар билан шунча қисмгача шартнома тузиши сабаб бўлиши мумкин. Сериалда Эфе ролини ижро қилган актёр Али Эрсан Дуру эса лойиҳани тарк этган.
Изоҳ (0)