Nesrin Javadzade “Qora niyat”dagi hamkasbiga ko‘ngil qo‘ydi, Neslihan Atagul xalqaro loyihada. Turk kinosi yangiliklari

Turk kinosi olamida yuz berayotgan yangiliklarni e’tiboringizga havola etamiz.

Nesrin Javadzade va Go‘khan Alkan kutilmagan yangilik bilan barchani hayratda qoldirdi. Juftlik “Qora niyat” teleserialining suratga olish maydonchasida tanishgan. Ma’lum bo‘lishicha, ular ancha vaqtdan beri uchrashib yurgan va o‘z munosabatlarini Instagram sahifasiga joylashtirilgan suratlari ostiga yurakcha belgisini qo‘yish orqali e’lon qilgan.

Ikki juftlik −Xazar Erguchlu va Onur Unlu hamda Melisa Shenolsun va Umut Evirgen Jihangir hududida jurnalistlar savoliga javob berdi. Onurning xiyonati haqidagi savolga Xazar: “U shunchaki shogirdi, bu haqda gaplashmaylik. Men bunga munosabat bildirmadim, chunki bu yerda yolg‘on va xiyonat yo‘q” − deya fikrini bildirgan.

Sinem Kobal va Kenan Imirzalo‘g‘li yaqindagina Lalin ismli qizaloqning ota-onasiga aylandi. Muxlislar esa yaqinda ona bo‘lgan Kobalning qomatidan hayratda.

“Qanotsiz qushlar” filmida Osman rolini ijro etgan aktyor Ali Yagji sevgilisi Bashak bilan turmush qurdi. To‘y kichik doirada − yaqinlar va do‘stlar ishtirokida bo‘lib o‘tdi.

Miray Daner va Boran Kuzum Eposode’ning noyabr soni uchun.

“Babil” seriali 20-qismida o‘z nihoyasiga yetdi. Ijodiy jamoa o‘z ishini yakunladi. Aslida serialning reytingi doim ham yuqori bo‘lmagan va loyihani erta tugatish taxmini mavjud edi. Ammo 20 qism serial uchun juda yaxshi ko‘rsatkich hisoblanadi.

Neslihan Atagul menejerini o‘zgartirib, olg‘a ishlashda davom etmoqda. Endilikda u Famelog Talent bilan hamkorlik qilishni boshladi, bu degani aktrisa xalqaro maydonga chiqadi. Aktrisa chet el prodyuserlik kompaniyasi bilan kelishuvga erishdi, bitimga binoan uning maqsadi global loyihalar va mustaqil filmlarda ishtirok etish. Shuningdek, u yangi yo‘nalish va o‘z kasbini chet elda kengroq auditoriyaga namoyish etishi haqida juda hayajonda ekanligini tan oldi.

Ma’lumotlarga ko‘ra, “Bir onaning gunohi” teleserialining premyerasi yaqin.

Bir necha kun avval aktyor Jan Yaman 31 yoshni to‘lishi munosabati bilan tug‘ilgan kunini nishonladi.