«Auto» сайтида 1967 йилда ишлаб чиқарилган «Фантомас Citroen’и» — DS хэтчбеки сотувга қўйилгани тўғрисида эълон пайдо бўлди. «Дарғазаб Фантомас» фильмида франциялик ёвуз қаҳрамон айнан шу каби автомобилни бошқарган. 53 йил олдин ишлаб чиқарилган хэтчбек 89 минг долларга баҳоланмоқда, деб хабар беради Motor.
Тўқ қизил рангдаги Citroen остига ёзилган изоҳга кўра, у Португалиядаги Citroen Lusitania заводида йиғилган. DS «умри»нинг асосий қисмини жанубий кенгликларда ўтказган, Россияга эса 2016 йилда, маҳаллий коллексионерлардан бири сотиб олганидан сўнг юборилган. Сотувдан олдин «Фантомас машинаси» яхшилаб реставрация қилинган — эндиликда у идеал ҳолатда.
Машина салонига чигарранг ўриндиқлар ўрнатилган, Германиянинг Blaupunkt компаниясига тегишли оргинал радиолани сақлаб қолишга қарор қилинган.
Citroen DS капоти остидан 90 от кучига эга 2,0 литрли бензин агрегат ўрин олган. У беш поғонали механик узатмалар қутиси билан биргаликда ишлайди. Сотувчига ишониладиган бўлса, француз хэтчбеки «умри давомида» 5600 минг километргина йўл босган.
Ушбу Citroen Россиянинг Биринчи каналида намойиш этиладиган «Тунгги Ургант» кўрсатувининг суратга олиш жараёнларида ҳам пайдо бўлган.
Изоҳ (0)