Ўзбекистонда пандемия шароитига қарамасдан, 2020 йилнинг 10 ойида avtoraqam.uzex.uz онлайн-аукциони орқали жами 218,8 миллиард сўм қийматда 80,5 мингдан зиёд «чиройли» рақамлар сотилди, дея хабар берди УзЕх товар хом ашё биржаси матбуот хизмати.
Ушбу даврда 2,6 баробар кўпроқ авторақамлар сотилиб, улардан тушган маблағ 71,2 фоизга ошган.
Қайд этилишича, авторақамни сотиб олиш бўйича битта битимнинг ўртача қиймати 2,6 миллион сўмни ташкил қилмоқда. Шу билан бирга, сотилган давлат рақамининг минимал қиймати 450,5 минг сўмни, энг қиммат авторақамнинг қиймати эса 186,2 миллион сўмни ташкил этди.
Хабар берилишича, яқинда «Авторақам» мобил иловаси янги кўринишда ишга туширилиб, унга савдо иштирокчисини онлайн тарзда рўйхатдан ўтказиш ва авторақам бўйича тўловларни амалга ошириш функциялари қўшилди. Киритилган янгиликлар фойдаланувчилар учун мобил илова ёрдамида биржанинг авторақам онлайн аукционларида эркин иштирок этиш имкониятини тўла тақдим этади.
Маълумот учун, 2019 йилда онлайн аукционлар орқали 156,1 миллиард сўмлик чиройли рақамлар сотилганди.
Изоҳ (0)