Пряник ширинлигидан ажойиб таъмга эга торт тайёрлаб кўринг

Сметана, банан ва пряниклардан ажойиб таъмга эга торт тайёрлаб кўринг. Шоколад ва ёнғоқлар ширинликни янада мазали қилиши шубҳасиз.

Керакли маҳсулотлар:

• Сметана − 500 грамм;
• Шакар упаси − 100 грамм;
• Банан − 2-3 дона;
• Пряник ширинлиги − 500 грамм;
• Шоколад ва ёнғоқ таъбга кўра.

1. Сметана шакар упаси билан аралаштирилади;
2. Бананлар юпқароқ, пряниклар ён томонидан икки бўлакка бўлинади;
3. Пряник бўлаклари сметанали аралашмага ботирилади ва қолипга териб чиқилади;
4. Устидан банан терилади;
5. Жараён шу йўсинда такрорланади ва энг устки қисмга пряник терилади. Ортиб қолган сметанали крем ширинлик устидан қуйилади;
6. 6-7 соат давомида музлаткичга қўйилади;
7. Тайёр бўлган торт эритилган шоколад ҳамда ёнғоқлар билан безатилади.