Pryanik shirinligidan ajoyib ta’mga ega tort tayyorlab ko‘ring

Smetana, banan va pryaniklardan ajoyib ta’mga ega tort tayyorlab ko‘ring. Shokolad va yong‘oqlar shirinlikni yanada mazali qilishi shubhasiz.

Kerakli mahsulotlar:

• Smetana − 500 gramm;
• Shakar upasi − 100 gramm;
• Banan − 2-3 dona;
• Pryanik shirinligi − 500 gramm;
• Shokolad va yong‘oq ta’bga ko‘ra.

1. Smetana shakar upasi bilan aralashtiriladi;
2. Bananlar yupqaroq, pryaniklar yon tomonidan ikki bo‘lakka bo‘linadi;
3. Pryanik bo‘laklari smetanali aralashmaga botiriladi va qolipga terib chiqiladi;
4. Ustidan banan teriladi;
5. Jarayon shu yo‘sinda takrorlanadi va eng ustki qismga pryanik teriladi. Ortib qolgan smetanali krem shirinlik ustidan quyiladi;
6. 6-7 soat davomida muzlatkichga qo‘yiladi;
7. Tayyor bo‘lgan tort eritilgan shokolad hamda yong‘oqlar bilan bezatiladi.