Италиянинг машҳур Bottega Veneta бренди Янги йил муносабати билан янги туфли моделини тақдим қилди. Бу ҳақда Hypebae нашри хабар берди.
Пойабзал, кийим-кечак ва аксессуарларга ўзига хос ёндашиши билан яхши маълум бўлган бренд Янги йил арафасида чарм туфли моделини тақдим қилди. Маълум қилинишича, янги модель Almond Pump деб номланган.
Олд қисми учли тўртбурчак шаклга, ички қисми резинкали кўринишга эга бўлган пойабзал пошнасининг ўртаси ичкарига кирган ва майда ялтироқ тангачалар билан безалган. Таг қисми ингичка қопламадан иборатлиги билан дизайнини янада дидли кўрсатади.
Туфли уч хил — лаванда, пушти ва лимон рангида тақдим қилинган. Мазкур туфлиларни бренднинг расмий сайтида 888 доллар, яъни 9 219 660 сўмга харид қилиш мумкин.
Аввалроқ Bottega Veneta’нинг мода оламидаги бошқа йирик брендлар сингари коронавирусга қарши курашда қандай ёрдам бераётгани ҳақида маълумот берилганди.
Мавзуга доир:
- Balenciaga бренди бармоқлари ажратиб кўрсатилган оёқ кийим ишлаб чиқаради
- Дидсиз кўрсатадиган ва кўйлак билан кийиш тавсия қилинмайдиган пойабзаллар
- Yeezy ўргимчакка ўхшаш шиппак ишлаб чиқаради. Янги модель мультфильм қаҳрамонлари пойабзалини эсга солади
- Қоидаларга зид: Off-White бренди икки хил кўринишга эга бир жуфт пойабзал тақдим қилди
Изоҳ (0)