Шарф нафақат образни ўзига хос кўрсатади, балки қишда совуқ қотмаслик учун ҳам айни муддао ҳисобланади. Аммо образ чиройли кўриниши учун уни тутишда мавжуд қоидаларга амал қилиш керак.
Шарфни устки кийим билан бир хил рангдаги, аммо турли фактуралигини танлаш мумкин. Бундан ташқари шарф образингизга урғу бериши мумкин. Бунинг учун тўқ рангда кийинган бўлсангиз бошқа ёрқин рангли шарфни тутиш тавсия этилади.
Агар пальтонгиз «запах»ли ёки олд қисми V бичимли бўладиган бўлса, унда шарфни шунчаки бўйинда айлантирмасдан ташламасдан вертикал чизиқ ҳосил қиладигандек тутиш керак. Бунда қомат янада пропорционал кўринади.
Шарфни замонавий тақишнинг яна бир усули уни бир ёки икки тарафини бел ичига камарга қистириш ҳисобланади. Шарф ранги устки кийим рангидан фарқ қилиши ҳам унинг рангларига мос бўлиши ҳам мумкин.
Агар устки кийим ёки пальто ёқаси кичик ёки «стойка» ёқали ҳамда устки кийим кенг ва қалин бўладиган бўлса, унда шарфни кийим устидан эмас ичидан тутган яхши. Бундай моделлар билан шарф кийим устидан тутилса, қомат пропорцияси хунук кўринади.
Шарф ва шапка комплект бўлиши шарт эмас. Улар турли рангда, аммо ўхшаш фактурада бўлиши мумкин. Бундан ташқари, шарф принтларидан бирини ўзида мужассам қилган шапкани танлаш ҳам мумкин.
Унутманг, устки кийим матоси қанчалик қалин бўлса, шарф ҳам шунга яраша бўлиши керак. Шуба, қалин пальто билан шифон ёки ипак матоли шарф тақиб олманг, хунук ва дидсиз кўринади. Бундай шарфларни баҳор ва илиқ кунларда аксессуар сифатида тутган яхши. Қиш ва совуқ кунларда эса қалин трикотаж шарфлардан фойдаланган яхши.
Бўйин атрофига шарфни қалин қилиб айлантириб олманг. Бундай усул аллақачон урфдан қолган. Қолаверса, ортиқча ҳажм қўшиб бўйин ва елкаларни кенг кўрсатади.
Изоҳ (0)