Канаданинг Янги Шотландия провинциясида истиқомат қиладиган Жеймс Блеквуд 25 йилдан бери маҳаллий ўрмонда яшайдиган енотларга ғамхўрлик қилади. Бу ҳақда Esquire хабар беради.
Блеквуд You Tube’даги «Енот авровчиси» каналида ушбу ҳайвон суратга туширилган видеолар билан бўлишиб боради.
https://youtu.be/Ofp26_oc4CA
Бир неча йилдан бери видео жойлаб борадиган эркакнинг сўнгги видеоларидан бири бошқаларидан фарқли ўлароқ 10 миллион марта томоша қилинган. Шундан кейин ОАВ канадалик эркакка эътибор қаратган. Видеода Жеймс енотларга сосиска, печенье ва кучукларнинг махсус таомини бераётганини кўриш мумкин. Кадрларга қараб ҳайвонлар Жеймсни ўзлариники деб билиши ва ҳеч қандай қўрқувсиз тиззасига ва елкасига чиқиб олишини кўриш мумкин.
Эркакнинг айтишича, у енотларга ғамхўрлик қилишни рафиқаси билан бирга бошлаган. Ушбу ғоянинг эгаси бўлган турмуш ўртоғи 2003 йилда саратон туфайли вафот этган. Ҳаётдан кўз юмушидан аввал у Жеймсдан енотлар ва ўзларининг икки мушугига ғамхўрлик қилишда давом этишини сўраган. Шундан буён у рафиқасига берган сўзининг устидан чиқишда давом этиб келмоқда.
https://youtu.be/PHwmCwoqdKA
Блеквуднинг қўшимча қилишича, каналидаги кузатувчилар унга бир неча марта маблағ ва совға бермоқчи бўлган, лекин у қабул қилишдан бош тортган. Бунинг ўрнига у кузатувчиларни ўзларига яқин ердаги ҳайвон ҳимоя қилувчиларга хайрия қилишга чақиради.
Жеймс ғамхўрлик қиладиган енотлар нафақат сосискаларни, балки кучуклар таомини ҳам хуш кўради. Блогер, шунингдек, уларни кўпчиган қаймоқ ва ёнғоқ ёғи қўшилган бутербродлар билан ҳам меҳмон қилади.
Изоҳ (0)