Бугун,

  • USD 11095.31
  • RUB 173.84
  • EUR 10772.44

Россияда беш йил ичида биринчи марта нон савдосининг ўсиши қайд этилди, деб ёзади «Коммерсантъ», Россия новвойлар иттифоқига таяниб.

Фото: «Znak.com»

Фото: «Znak.com»

BusinesStat таҳлил компанияси прогнозига кўра, натурал қийматда нон савдоси 2020 йил якунларига кўра 60 минг тоннадан ортиқроққа — 7,95 миллион тоннагача ўсиши мумкин. Пул қийматида январь–сентябрда савдолар ҳажми 2,9 фоизга — 552,7 миллиард рублгача ўсди.

Россияликлар даромадларининг пасайиши нон савдоси ўсишининг сабаби сифатида келтирилмоқда, шу сабабли фуқаролар энг зарур маҳсулотларни кўпроқ сотиб ола бошлаган.

Новвойлар иттифоқи тахмин қилишича, мамлакатда иқтисодий вазият барқарорлашганидан кейин нон ишлаб чиқариш қисқаришни бошлайди.

«Руспродсоюз» уюшмаси ижрочи директори Дмитрий Востриков таъкидлашича, энг арзон озиқ-овқатлардан бири сифатида нон савдоси доим инқирозли даврларда ўсиб боради. Шунга ўхшаш тенденция охирги марта уюшма томонидан 2008 йилда қайд этилган.

«Росстат» маълумотларига кўра, 2020 йилнинг иккинчи чорагида россияликларнинг реал даромадлари 8,4 фоизга, учинчи чоракда — 4,8 фоизга пасайган.

Аввалроқ Москва мэри Сергей Собянин коронавирус инфекцияси тарқалиши туфайли жорий қилинган бир қатор чеклов чоралари 2021 йил 15 январгача узайтирилишини эълон қилган эди.

Изоҳ
Asosiy yangiliklar
Дунё
НАТО Афғонистон учун ажратилган 3,4 млрд долларни Украинага бериши мумкин — Politico
Маҳаллий
Ўзбекистонда ўзини ўзи банд қилганлар сони эълон қилинди. Уларнинг сафига қандай қўшилиш мумкин?
Маҳаллий
Қаршида 13 ёшли қизни уриб юбориб, воқеа жойидан қочиб кетган Cobalt ҳайдовчи топилди