Навоий вилояти Навоий шаҳрида вояга етмаган бола ёқтирган қизига гапирган 18 ёшли йигит билан жанжаллашиб унга тан жароҳати етказди, дея хабар қилмоқда Тергов департаменти.
Маълум қилинишича, 2020 йилнинг 13 ноябрь куни соат 17:00 да, вояга етмаган фуқаро 17 ёшли Тимурбек С. фуқаро 18 ёшли Аслиддин Ш. унинг ёқтирган қизига гапирганлигини эшитиб, бунга аниқлик киритиш мақсадида Навоий шаҳар Жасорат кўчасида жойлашган «Мохинур» савдо мажмуаси орқа томонида кўришган.
Шу вақтда вояга етмаган Тимурбек С. ва Аслиддин Ш. ўртасида рашк натижасида ўзаро жанжал келиб чиқиб, жанжал вақтида вояга етмаган Тимурбек С. қўли билан Аслиддин Ш. танасининг турли қисмларига бир неча бор зарба берган. Оқибатда Аслиддин Ш. турли кўринишдаги тан жароҳатлари олган.
Суд-тиббий экспертиза хулосасига кўра, Аслиддин Ш.га «оғир» тан жароҳати етказилганлиги кўрсатилган.
Ҳолат юзасидан Навоий шаҳри бўйича ИИО ФМБ ҳузуридаги Тергов бўлими томонидан вояга етмаган фуқаро 17 ёшли Тимурбек С.га нисбатан Жиноят кодексининг 104-моддаси 1-қисми (қасддан баданга оғир шикаст етказиш) билан жиноят иши қўзғатилган.
Жиноят иши бўйича Тимурбек С. гумон қилинувчи тариқасида ишда иштирок этишга жалб қилинган. Ҳозирда тергов ҳаракатлари олиб борилмоқда.
Аввалроқ фарғоналик йигит интернет орқали танишган қизи унга турмушга чиқмаслигини айтгани учун қизнинг уйига бориб, 2 ойлик чақалоқни ўлдиргани, Наманганда 16 ёшли бола севган қизига SMS юборгани учун ўзидан бир ёш катта болани пичоқлаб ўлдириб қўйгани ҳамда севишган ёшлар ота-онасини қўрқитиб қўйиш мақсадида бир-бирига пичоқ тиқиши оқибатда қиз шифохонада вафот этгани ҳақида хабар берилганди.
Изоҳ (0)