Dreamtech компанияси 2021 йилда коронавирус инфекциясини 30 сонияда аниқлашга қодир «электрон бурун»ни тақдим этади. Компаниянинг маълум қилишича, ноябрь бошида унинг синов жараёнларини якунлаган, деб хабар беради IXBT.
TheElec ҳисоботига кўра, Dreamtech «электрон бурни» Исроилнинг Nanoscеnt фирмаси билан ҳамкорликда яратилган. Ушбу қурилма одам коронавирусга чалинган ёки чалинмаганини унинг нафас олишини таҳлил қилиш орқали аниқлай олади. Бунга бурундан чиққан органик бирикмаларни аниқлаш орқали эришиш мумкин. Шунингдек, ушбу гаджет одамларда инфекциянинг бирор белгиси кузатилмаганида ҳам самарали ҳисобланади.
Dreamtech ҳозирда мазкур қурилмани Жанубий Кореяда ишлаб чиқаришни бошлашга, шунингдек, кўплаб мамлакат ҳукуматидан рухсат олишга тайёрланмоқда. Dreamtech’нинг таъкидлашича, исталган одам бир соат давомида ўрганиб, қурилмадан тестни мустақил ўтказа олиши мумкин.
Синовлар Dreamtech қурилмаси ПЗР-тест каби натижаларни кўрсатишини намоён этган. Бундан ташқари, Dreamtech ва Nanoscеnt ўзининг янги қурилмасини тўртта инглиз футбол клубида, жумладан, Tottenham Hotspur’да синовдан ўтказиш ниятида.
Аввалроқ АҚШда сунъий интеллект беморнинг йўталига қараб коронавирусни аниқлашни ўрганиб олгани тўғрисида хабар берилганди.
Изоҳ (0)