Ushbu mashhur blogerlarni Instagram orqali tanib olish mumkin. Ro‘molli go‘zal qizlar yanada chiroyli bo‘lish borasidagi yangiliklarni millionlab odamlarga ulashadi.
Xuda Kattan − @hudabeauty
Xuda Kattan nafaqat Yaqin Sharqdagi eng taniqli go‘zallik-blogeri, balki Michigan-Dearborn universitetining diplomi sohibasi ham hisoblanadi. U uzoq vaqt davomida moliya sohasida ham ishlagan, ammo u birdan hammasini tashlagan va Dubayga ko‘chib o‘tganidan so‘ng vizajistga aylangan. Xudaning makiyaj uslubini ko‘pchilik mukammal deb biladi. Xuda Instagram’dagi pardoz sahifasidan ajralgan holda o‘z brendi “Xuda Beauty”ni yaratishga muvaffaq bo‘lgan blogerlarning biridir. Uning ulama kipriklari, lab bo‘yoqlari − pardoz buyumlari dunyo vizajistlari tomonidan mashhurlikka erishgan.
Dalal Al-Doub − @dalalid
Dalal ismli oddiy quvaytlik qiz uchun pardoz qilish har doim o‘zini ifoda etish usuli bo‘lib kelgan. Dalalning sevimli mashg‘uloti endi uning kasbiga aylandi. U musulmon ayollari orasida go‘zallik bo‘yicha asosiy mutaxassislardan biri. Uning Instagram sahifasi orqali Sharqdagi asosiy moda tendensiyalarini kuzatish mumkin. Dalal You Tube’dagi sahifasida bo‘yanishning nozik tomonlari haqida gapirib beradi va qanday pardoz qilishni o‘rgatib boradi. Garchi bloger arab tilida so‘zlasa-da, uni tushunish foydalanuvchilar uchun qiyinchilik tug‘dirmaydi.
Xabiba Da Silva − @lifelongpercussion
Braziliya va Livan millatiga mansub oilada dunyoga kelgan Xabiba Britaniyada yashaydi. Uni birgina jumla bilan ta’riflash mumkin: u ro‘molda yuradi. Yaqin Sharqdagi barcha blogerlar orasida Xabiba bo‘yanish bo‘yicha eng siposi hisoblanadi. Shuningdek, qiz o‘z sahifasini faqatgina ingliz tilida olib boradi. Bundan tashqari, uning postlari faqatgina pardoz qilish bo‘lib qolmay, ba’zida she’r o‘qiydi va murakkab mavzularni muhokama qiladi.
Rian − @riannemua
Rian bejirim bo‘yanish bilan ro‘molni uyg‘unlashtira olgan bloger. U 18 yosh bo‘lishiga qaramay, boshqalarga nisbatan ancha yaxshi pardoz qiladi.
2017-yilda Rian You Tube’da o‘z kanalini ochgan va u yerda yuz uchun noyob niqoblar retsepti haqidagi ma’lumotlar bilan bo‘lishgan. Tez oradan uning ijtimoiy tarmoqdagi sahifalari ommalashdi va u Yaqin Sharqdagi eng mashhur go‘zallik-blogeriga aylandi.
Nura Afia @nuralailalov
Nura AQShlik ro‘moldagi go‘zallik-blogeridir. Uning Instagram sahifasidan pardoz sirlari, o‘z-o‘ziga g‘amxo‘rlik, manikyur, kosmetika sharhlarini topish mumkin. Umuman olganda, go‘zallikka bog‘liq barcha narsa uning to‘plamidan joy olgan. Yorqin pardoz, nuqsonlarni yashirish – bularning barchasi 300 mingdan ortiq foydalanuvchilar e’tiborini tortdi. Shuningdek, taniqli bloger Covergirl kosmetik kompaniyasi bilan shartnoma imzoladi. Shuning uchun ham Nura Afia ijtimoiy go‘zallik sanoatida brend bilan ishlashni boshlagan birinchi musulmon ayol hisoblanadi.
Izoh (0)