Қайсар юлдузлар: Болливуднинг шартнома имзолагандан кейин лойиҳани тарк этган вакиллари (фото)

Фильмнинг муваффақиятли чиқиши ижодий жамоа, сценарий, сюжет ва актёрлар таркибига боғлиқ бўлади. Бир лойиҳа устида узоқ ва кўпчилик ишлаши мумкин, лекин мухлислар кўпинча ижод намунасининг омадли чиқишини бош қаҳрамонлар ижроси билан баҳолайди. Бош қаҳрамон бўлиш эса ҳаммага ҳам насиб қилавермайди, лекин шундай машҳурлар борки, уларнинг ўзи ҳаммаси ҳал бўлганидан кейин ортга қадам ташлагиси келиб қолади.

Крити Санон — «Лакнау марказий қамоқхонаси» (2017 йил)

Крити, Фархан Ахтар билан «Лакнау марказий қамоқхонаси» лойиҳасини имзолагани ҳақидаги янгиликни қувонч билан улашган. Аммо фильмни суратга олиш ортга сурилган ва бу вақтда Крити бошқа лойиҳада иштирок этишга розилик бериб қўйган. Шундан кейин у таркибдан чиққан ва у ижро қилиши керак бўлган ролни Диана Пенти ижро қилган.

Рекҳа — «Таъқиб» (2016 йилда)

Актриса Рекҳа, Шекҳар Капурнинг «Таъқиб» фильмида Назрат Жал Махал роли учун энг яхши номзод эди. Аслида у ушбу фильмнинг Кашмирда бўлиб ўтган жараёнида суратга тушган, лекин кейин унга қаҳрамонининг ташқи кўриниши ва тақдири ёқмагани сабаб суратга олиш ишлари деярли якунига етай деганда лойиҳани тарк этган. Шундан кейин унинг ўрнига Табу олинган ва саҳналарни қайта суратга олишга тўғри келган.

Карина Капур — «Рам ва Лила» (2013 йил)

Карина Капур мазкур фильмда Ранвир Сингх билан бирга суратга тушиши ва Лила ролини ижро қилиши керак бўлган, лекин суратга олиш ишлари бошланишидан 10 кун аввал лойиҳани тарк этган. Бунга шартномадаги айрим бандлар ёқмагани сабаб бўлган.

Смирти Ирани — «Ҳаммаси яхши» (2015)

Режиссёр Умеш Шукла, фильмда Абхишек Баччаннинг онаси ролини ижро қилиши керак бўлган Смрити Иранини, сиёсий мажбуриятларини бажариши учун 6 ой кутишига тўғри келган. Аммо Смитри тўсатдан инсон ҳуқуқлари бўйича вазир курсисини эгаллаган ва лойиҳада иштирок этишдан воз кечган. Шундан кейин унинг ролини Суприя Патхак ижро қилган.

Читрангада Сингх — «Лочин кўзли жаноб» (2017)

Актриса, актёр Навазуддин Сидқий билан суратга тушган саҳналари ёқмагани сабаб, лойиҳани тарк этишга қарор қилган. Режиссёр ва актёрнинг ўзини тутишига актриса чидай олмаган ва оқибатда унинг ролини Бидита Баг ижро қилган.

Карина Капур «Севаман деб айт» (2000)

Ушбу фильм Каринанинг дебют роли бўлиши мумкин эди, аммо у суратга олиш ишлари бошланганидан бир неча кун ўтиб лойиҳани тарк этган. Фильмда унинг ҳамроҳи Ритик Рошан бўлган ва фильм режиссёри (актёрнинг отаси) Каринадан кўра Ритикга кўпроқ эътибор қаратгани актрисага ёқмаган. Шундан кейин унинг роли Амиша Пателга насиб қилган.

Сушант Сингх Ражпут «Ромео Акбар Волтер» (2019)

Сушант фильмнинг биринчи постери тақдим этилганидан кейин суратга тушиш фикридан қайтган. Бунга фильмнинг тақдим этиш санаси кўрсатилмагани сабаб бўлган ва роль Жон Абраҳамга насиб қилган.

Абхишек Баччан — «Батальон» (2018)

Актёр суратга олиш ишлари бошлангунига қадар, Жей Пи Даттнинг мазкур лойиҳасидан жуда ҳам мамнун бўлган. Лекин бирданига суратга олиш майдончасини тарк этган ва бир неча кун ўтибгина ўзининг фильмдаги экран вақтидан кўнгли тўлмаганини маълум бўлган. Кейин эса унинг ўрнига Харшвардан Ран суратга тушган.

Приянка Чопра «Бҳарат» (2019)

Приянка мазкур лойиҳада Салмон Хон иштирокидаги актёрлар таркибидан ўрин олаётгани ва қайтишини маълум қилиб мухлисларини қувонтирганди. Аммо Ник Жонас билан унаштируви сабаб лойиҳадан чиққан ва режиссёр Аббос Зафар, Приянка фильмга бошқа алоқадор эмаслигини айтиб, ўрнига Катрина Каифни олган.