Фарғона вилоят прокуратураси электр тармоқлари ва қурилмаларининг куз-қиш даврида узлуксиз ишлашга тайёрлигини текшириш давомида вилоятнинг айрим ҳудудларида электр энергияси етказиб беришда 3 соатдан 28 соатгача узилишлар кузатилаётганини аниқлади. Бу ҳақда ЎзА хабар бермоқда.
Бунга юқори кучланишли электр тармоқларида содир бўладиган аварияларни тезкор бартараф этиш бўйича мобил гуруҳлар фаолияти талаб даражасида эмаслиги ва уларнинг моддий-техник базаси тўлиқ ташкил этилмаганлиги сабаб қилиб кўрсатилган.
Хусусан, Қува туманида 3 соатдан 28 соатгача, Қўштепада кунига 3-7 соатгача, Фурқатда 9 соатгача, Марғилон шаҳар, Бешариқ, Тошлоқ, Ўзбекистон, Олтиариқ ва Ёзёвонда 4 соатгача, Бағдод 3 соатгача, Риштон, Бувайда ва Данғарада 5 соатгача, Учкўприкда 2 соатгача узилишлар кузатилган.
Шунингдек, ушбу мавсумда аҳоли ва ижтимоий соҳа объектларига кўмир ва брикет маҳсулотларини ўз вақтида етказиб бериш чораларини кўрмаган «Кўмир таъминот» масъулияти чекланган жамияти мансабдор шахсларига нисбатан ҳам юқоридаги модда бўйича маъмурий жавобгарлик тўғрисида иш қўзғатилган.
Бундан ташқари, Марғилон шаҳридаги «темир дафтар»да рўйхатга олинган аҳоли қатламини ижтимоий ва маънавий муҳитини соғломлаштириш бўйича олиб борилган ўрганишларда аҳоли мурожаатларини ҳал этилишида қонун бузилиши ҳолатларига йўл қўйган ҳамда ҳокимият вакилининг қонуний талабларини лозим даражада бажармаган вилоят ташкилот ва идораларининг 6 нафар мансабдор шахсларининг жавобгарлик масаласи кўриб чиқилиб, уларга нисбатан маъмурий жавобгарлик тўғрисида иш қўзғатиш шаклидаги прокурор назорат ҳужжатлари қўлланилган.
Аввалроқ Энергетика вазирлиги Ўзбекистонда кузатилаётган электр таъминотидаги узилишларга энергия истеъмоли ортганини сабаб қилиб кўрсатганди. Танзила Норбоева газ ва электр муаммоси махсус кўриб чиқилиши, ялпи мажлисда кўтарилиши, Президентга ахборот берилишини айтди. Монополияга қарши курашиш қўмитаси газ ва электр муаммолари юз бераётгани бўйича қўмита ва унинг ҳузуридаги агентликка мурожаат қилишни сўради.
Изоҳ (0)