Бир зумда тайёрланадиган пишлоқли ҳалқачалар рецепти

Дастурхон учун ноодатий егулик рецепти билан танишинг.

Керакли маҳсулотлар:

• Катта пиёз – 2 дона;
• Пишлоқ – 3-5 бўлак;
• Тухум – 5 дона;
• Ун – 250 грамм;
• Қотирилган нон толқони– 230 грамм;
• Ўсимлик ёғи, туз.

1. Пиёз паррак қилиб тўғралади ва ҳалқачаларга ажратилади.
2. Пишлоқ ҳам худди пиёз каби ҳалқачаларга ажратилади.
3. Пиёзнинг катта ҳалқасига кичкинаси киритилади, уларнинг орасига пишлоқ жойлаштириб чиқилади. Барчаси шу тарзда такрорланади.
4. Сўнгра музлаткичга қўйилади.
5. Тухумга бир чимдим туз солиб, аралаштирилади. Бир идишга ун ва яна бошқасига нон толқони солинади.
6. Пиёз ҳалқалари аввал унга ботирилади. Кейин тухум ва нон толқонига ботирилиб, 2-3 дақиқа давомида қизаргунча ёғда қовуриб олинади.
7. Тайёр бўлган егуликлардаги ортиқча ёғни камайтириш учун қоғоз салфеткалар устига қўйилади.
8. Пишлоқли ҳалқачалар таъбга кўра безатилиб, дастурхонга тортилади.