Ургут туман ҳокимлигида халқ депутатлари туман кенгашининг навбатдан ташқари сессияси ўтказилди. Бу ҳақда Самарқанд вилояти ҳокимлиги хабар берди.
21 ноябрь куни ўтказилган сессия кун тартибида ташкилий масала кўриб чиқилган. Маматжон Турдиев туман ҳокими лавозимидан озод этилди. У 2016 йилдан буён Самарқанд вилояти Ургут тумани ҳокими сифатида ишлаб келаётганди.
Ургут туман кенгашининг навбатдан ташқари сессиясида депутатлар томонидан Ботир Жабборовнинг номзоди туман ҳокими лавозимига тасдиқланган.
Аввалроқ Нарпай туманига янги ҳоким тайинлангани тўғрисида хабар берилганди.
Изоҳ (0)