Наманган вилоятида жойлашган Тўрақўрғон ИЭСнинг иккита энергоблоги авариявий тўхташи натижасида мазкур станция орқали энерготизимга етказиб берилаётган қувват 600 мегаваттга камайгани ҳақида хабар берилганди. Бунинг оқибатида Фарғона водийси вилоятлари, Тошкент шаҳри, Самарқанд, Бухоро ва Қашқадарё вилоятларида электр энергияси таъминотида автоматик равишда чекловлар киритилганди.
Энергетика вазирлиги матбуот хизматининг хабар беришича, аварияга қарши тезкор бригада томонидан носозлик юзага келган мазкур ИЭСнинг 1 ва 2-энергоблоклари тўлиқ қувватда ишлаши таъминланди. «Тўрақўрғон ИЭСда юзага келган носозлик бартараф этилди. Станция тўлиқ қувватда ишламоқда», — дейилади вазирлик хабарида.
Вазирликнинг таъкидлашича, истеъмолчилар эҳтиёжини таъминлаш учун Тахиатош ИЭСнинг қуввати 280 мегаватт бўлган 1-энергоблоги ҳамда Талимаржон ИЭСнинг қуввати 450 мегаватт бўлган 2-энергоблоги ҳам тўлиқ қувватда ишлаши таъминланди.
Изоҳ (0)