“Daryo”ni Telegram’da o‘qing! Join!
18:31, 20.11.2020 13936

To‘raqo‘rg‘on IESda avariyaviy o‘chish yuz berdi. Namangan viloyatining aksar hududlari elektrsiz qoldi

Namangan viloyatining To‘raqo‘rg‘on tumanida joylashgan issiqlik elektr stansiyasida favqulodda o‘chish sodir bo‘ldi. Bu haqda “Daryo” muxbiri Azizbek Abduvaliyev xabar bermoqda.

Foto: “Daryo”

Namangan hududiy elektr tarmoqlari korxonasi operativ dispetcherlik xizmati boshlig‘i Muhammadali Irisqulovga ko‘ra, hodisa 20-noyabr soat 15:45 da ro‘y bergan. To‘raqo‘rg‘on IESdagi 2 ta elektr ishlab chiqarish agregati avariyali holatda o‘chishi sababli 750 megavatt quvvat yo‘qotilgan.

Shundan so‘ng Rossiya va O‘zbekiston energotizimlarini bog‘lovchi 500 kilovoltli liniya ham 1500-1700 megavatt quvvat bilan ishlab turgan holatida zo‘riqish natijasida uzilgan.

Muhammadali Irisqulov.

Foto: “Daryo”

Hozirda mutaxassislar tomonidan To‘raqo‘rg‘on IESdagi favqulodda o‘chish sabablari o‘rganilmoqda.

Yuz bergan holat oqibatida Namangan viloyatida 200-250 megavatt atrofida quvvat yo‘qotilgan va viloyatning aksar hududlari elektr energiyasidan uzilgan. Mutasaddilar favqulodda holat bartaraf etilgach viloyatda energiya ta’minoti to‘laqonli ta’minlanishini bildirmoqda.

Izoh qoldirishdan avval, qoidalar bilan tanishib oling: http://dy.uz/QbkeZ

Boshqa yangiliklar