Футбол бўйича Coca-Cola Суперлига 23-туридан ўрин олган икки ўйин 20 ноябрь, жума куни бўлиб ўтди.
«Насаф» жамоаси «Сўғдиёна» майдонига сафар қилди. Учрашув дебютида Шоҳруз Норхонов ўзининг аниқ зарбаси билан мезбонларни олдинга олиб чиққан бўлса, 25-дақиқада Бобур Абдухолиқов мувозанатни тиклади. Иккинчи бўлимда майдон эгалари яна иккита гол урган ҳолда ғалабани ўз томонига оғдирди.
Шу тариқа «Насаф» мавсум тугашига уч тур олганда 46 очко билан 2-ўринда қолди ва биринчи ўриндаги «Пахтакор»ни (56) қувиб ўтиш имкониятини йўққа чиқарди. Бу эса «шерлар» муддатидан аввал чемпионликни қўлга киритди дегани. «Сўғдиёна» очколарини 34 тага етказиб олган ҳолда 6-ўринга кўтарилди.
Яна бир ўйин «Металлург» ва «Бунёдкор» жамоалари ўртасида кечди. Миржаҳон Мираҳмадовнинг дубли ва Хуршид Ғиёсовнинг голига мезбонлар сўнгги дақиқаларда Шаҳзод Убайдуллаев ҳамда Зоҳид Абдуллаевнинг аниқ зарбалари билан жавоб қайтарди.
Ушбу ғалабадан кейин «Бунёдкор» очколарини 39 тага етказиб олган ҳолда 4-ўринга кўтарилди. «Металлург» (33) эса 7-поғонага тушиб кетди.
Coca-Cola Суперлига
23-тур баҳслари
20 ноябрь, жума
«Сўғдиёна» — «Насаф» 3:1
Голлар: 1:0 – 7 Норхонов, 1:1 – 25 Абдухолиқов, 2:1 – 60 Қаҳрамонов, 3:1 – 90+4 Насимов.«Сўғдиёна»: 1.Ширинбой Абдуллаев, 2.Сардор Қулматов, 3.Искандар Шойқулов, 5.Аюбхон Номанов, 8.Жамшид Болтабоев, 10.Шоҳруз Норхонов, 11.Жасур Ҳасанов, 12.Санат Шихов, 19.Жавоҳир Қаҳрамонов, 22.Шоҳбоз Жўрабеков, 93.Марко Колакович.
«Насаф»: 1.Умиджон Эргашев, 4. Ҳусниддин Алиқулов, 5.Ғолиб Ғайбуллаев (18. Жавоҳир Эсонқулов 84), 7. Дилшод Раҳматуллаев, 10. Бобур Абдухолиқов (19. Ҳусаин Норчаев 64) , 14. Шароф Муҳитдинов, 15. Жўрабек Маннонов (6.Муродбек Хўжамбердиев 64), 20. Ислом Кенжабоев (50. Шоҳмалик Комилов 79), 77. Ойбек Бозоров, 88. Марко Станоевич (22. Акмал Мозговой 79), 92. Умар Эшмуродов.
Огоҳлантириш: Муҳиддинов (79), Колакович (90).
«Металлург» — «Бунёдкор» 2:3
Голлар: 0:1 – 5 Ғиёсов, 0:2 – 22 Мираҳмадов, 0:3 – 65 Мираҳмадов, 1:3 – 86 Убайдуллаев, 2:3 – 90+2 Абдуллаев.«Металлург»: 12.Александр Лобанов, 5. Аббосжон Отахонов, 7.Дониёр Нарзуллаев (36.Тўлқин Эргашев, 46), 10.Шаҳзод Убайдуллаев, 11.Муродбек Бобожонов (21.Камолиддин Тожиев, 46), 27.Ихтиёр Тошпўлатов, 28.Станислав Андреев, 30.Андрей Шипилов (4.Одилбек Абдумажидов, 90+1), 43.Даврон Анваров (15.Зоҳид Абдуллаев, 75), 77.Муҳаммад Исаев (20.Худойшукур Сатторов, 54), 88.Евгений Чумак.
«Бунёдкор»: 1.Абдумавлон Абдужалилов, 3.Ислом Қобилов, 5.ИброҳимҲалил Йўлдошев (37.Муҳаммадодил Қаҳрамонов, 78), 10.Хуршид Ғиёсов (6.Анвар Ғофуров, 71), 13.Лутфулла Тўраев (4. Давронжон Эргашев, 71), 14.Миржаҳон Мираҳмадов, 17.Санжар Қодирқулов, 19.Нурилло Тўхтасинов (49.Фаррух Икромов, 78), 29. Улуғбек Абдуллаев, 30.Абдулла Абдуллаев, 90.Шаҳбоз Эркинов (34.Суҳроб Иззатов, 57).
Огоҳлантиришлар: Исаев (9), Бобожонов (33), Тўхтасинов (33).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)