Баъзан одамларда муваффақиятга эришиш ирсиятга боғлиқдек кўринади. Аксарият инсонларда эса уларга нисбатан ғашлик, ҳасад туйғуси пайдо бўлади. Аслида уларни кузатиб, яхши одатларини ўзлаштириш эса энг маъқул ишдир. Сабаби муваффақиятга эришишда ёрдам берадиган фазилатлар ҳар кимда ҳам ривожланиши мумкин.
Мулоқот қилиш қобилияти
Инсон – ижтимоий мавжудотдир. Мулоқот эса ҳар қандай вазиятда ҳам уларни тарк этмайди. Масалан, суҳбатларда мулоқот қилиш қобилияти орқали яхшигина иш ўрнига эга бўлиш мумкин. Шунинг учун ҳам инсонлар билан самимий ва ёдда қоларли тарзда алоқа қилиш қобилияти муваффақиятнинг муҳим қисми ҳисобланади.
«Сизнинг билимингиз ва мавқейингиз ўзаро мулоқотда бўлаётган инсонларнинг ғоялари ва тажрибаларига таъсир ўтказади», − дейди америкалик тадбиркор Кейт Ферратсси. Ҳамиша ўз мақсадига эришган инсонлар атрофдагилари билан ишончли ва самарали суҳбат қуриш учун алоҳида вақт ажратади. Шу билан бирга улар ҳаммага бир хил ҳурмат билан қарайди.
Соғлом шижоат
Ҳар кимнинг ҳаётида шижоат муҳим бўлса-да, уни бириничи ўринга чиқариб қўйиш тўғри эмас. Кўпгина муваффақиятга эришган одамларнинг шижоатини кўриш мумкин, лекин буни улар карьераси давомида шакллантирган. Улар фақатгина керакли жойда ўз шижоатини намоён қилади.
Носоғлом шижоат атрофда ёрдам берадиган одамларни четлаштириши мумкин. Ҳар ким ўзи хоҳлаган нарсани амалга оширади, кўникмаларини ўргатади ва ҳамиша ўзини исботлашга тайёр бўлади. Аммо муваффақиятга эришиш учун бошқаларга босим ўтказмайди.
Кутишга эмас, ҳаракатга интилиш
Кўпгина одамлар бировларнинг иши юришганини сезиб қолса, буни қандай амалга оширди, деган саволни беради. Бу жуда оддий. Улар бошқалар каби кутади, аммо вазиятни таҳлил қилгандан сўнг ҳаракатни амалга оширади.
Тадбиркор ва инвестор Жон Деймонд Нью-Йорк кўчаларида қўл меҳнати ёрдамида тикилган футболкаларни сотишни бошлаган. Унинг на пули, на офиси ва на футболка ишлаб чиқарадиган фабрикаси бор эди. Бугунги кунда Деймонд миллионлаб долларлик кийим-кечак бренди FBU’га раҳбарлик қилмоқда. Ҳар ким ўз лойиҳасини бошлаши учун ҳеч қачон кеч бўлмайди. Ҳар бир инсон ягона, шунинг учун рақобатдош бозорда ҳам имконият, албатта, мавжуд бўлади.
Мақсадга эришиш истаги
Муваффақиятли одамлар мунтазам равишда мақсадларига кўра ҳаракат қилади ва уларга эришганида ўзларини қулай ҳис этади. Демак, инсон аввал ўзи истайдиган нарсани аниқлаб олиши зарур. Бунинг учун режа тузиши, ҳаракат қилиши керак. Шундагина ўзига ишонган ҳолда муваффақиятга эришиш мумкин.
Изоҳ (0)