Агар сиз кўп ишласангиз, организмингиз ўйлаганингиздан кўра кўпроқ стрессни бошидан кечиради — бунинг сабаблари ҳар доим ҳам аён бўлмаслиги мумкин. Сиз ўз иш ҳафтангизни бироз енгиллаштира олишингиз учун қуйидаги бандлар ҳаётингизда иштирок этиш ёки этмаслигини текшириб кўришни таклиф қиламиз.
Сиз ҳамма вақт ўтириб ишлайсиз
Агар одам офисда ишласа, у деярли бутун кунни ўтириб ўтказади. Бу соғлиққа ёмон таъсир кўрсатади. Шифокорларнинг айтишича, ҳар куни 8 соатдан ортиқ ўтириб ишлаш диабет ва юрак касалликларига олиб келади.
Организмга ёрдам беришнинг бир неча усуллари бор: ҳар соатда кичикроқ машқлар бажариб туриш, кўпроқ пиёда юриш учун машинани офисдан узоқроқда қолдириш ёки ҳамма қўнғироқларга тик турган ҳолатда жавоб бериш.
Сиз тушликни ўтказиб юборасиз
Ҳатто ишингиз шунчалик кўп бўлса ҳам тушлик танаффус учун ҳеч бўлмаса 30 дақиқа вақт ажратишингиз зарур. Бир вақтнинг ўзида хатларга жавоб бериш ва тушлик қилиш — вақтни тежашнинг энг яхши усули деб ўйлайсизми? Бу организмга фойдадан кўра кўпроқ зарар етказади.
Сиз тез-тез ишда ушланиб қоласиз
Ҳафталар давомида иш вақтидан ташқари вақтда ишлаган кишилар кўпинча қаттиқ чарчашини эътироф этади. Уларга агар камроқ ухласа кўпроқ иш бажариш мумкиндек кўринади, лекин бундай режимда концентрация ёмонлашади, унумдорлик эса сезиларли даражада пасаяди.
Турку университети руҳшунослари тадқиқот ўтказди ва уйқу етишмаслиги ёки сифатсиз уйқу когнитив бузилишларга: хотирадаги камчиликлар, қарор қабул қила олмаслик, диққатнинг тарқоқлигига олиб келишини исбот қилди.
Агар ўз вақтида кетишнинг иложи бўлмаса, меъёр белгилашга ҳаракат қилинг — дам олишга етадиган вақт қолиши учун сиз қачон компьютерни албатта ўчиришингиз керак.
Сиз ухлаш олдидан хатларга жавоб берасиз
Сиз ҳатто ётишда ҳам ёзишмаларни давом эттирасизми? Демак, офисдан аллақачон кетган бўлсангиз ҳам дам олиш ўрнига иш ҳақида ўйлашни давом эттирасиз.
Бирон бир муҳим ишни унутиб қолдиришдан қўрқишингизни тушуниш мумкин, лекин баъзи хатлар эрталабгача бемалол кутиб тура олади. Агар вазифангиз доимий банд бўлишни талаб қилса, ўзингиз учун қоида белгиланг — масалан, ишга алоқадор хатларни ухлашгача бўлган икки соат давомида очмаслик.
Манба: Rambler Weekend
Изоҳ (0)