Ижодий парокандаликни офисдаги оддий буюмлар ёрдамида бартараф қилиш мумкин.
Буни қандай амалга ошириш мумкин?
Иш столингиздан еттита буюм топинг ва улардан бирон-бир шакл ёки қурилма ясанг. Жуда кўп ўйлаб ўтирмасдан наридан-бери ташкиллаштиринг. Ҳар хил ўлчамдаги ва ҳар хил материалдаги буюмларни олинг. Буларнинг ҳаммаси учун 10 дақиқадан кўп вақт ажратманг. Бу вақт ичида сиз тажриба қилишга улгурасиз, лекин ўзингизга ишонқирамасликдан қутуласиз.Бундай машқни ҳар куни эрталаб бажаринг. Биринчи ҳафта давомида ўша олдинги буюмлардан ҳар хил шакллар ва қурилмалар ясанг, кейин эса бошқаларини олинг.
Машқларнинг моҳияти шундаки, бу одатдаги оддий буюмлардан илҳом топиш ва вақтичоғлик қилишдир. Ижодкорликнинг асосий таркибий қисми ҳам айнан шундан иборат. Санъат асари яратишга уринманг. Сизнинг мақсадингиз — бир хил нарсаларга ҳар хил кўз билан қарашни ўрганиш.
Нима учун бу ёрдам беради?
Бу мия учун машқ ҳисобланади. Юракнинг чигилини ёзиш ва ўз ижодий қобилиятларини фаоллаштириш имконияти.Ижодкорлик эскирган ишлар ёки таҳлилий масалалардан фарқли равишда хушчақчақ ва қувноқ кайфиятни талаб қилади. Бундай ҳолатда биз хатолардан қўрқмаймиз ва ўзимизни камроқ танқид қиламиз. Шундагина ўзига хос ғоялар пайдо бўлади.
Агар иш столингизда чиройли ҳайкалчалар ва ғалати нарсалар бўлмаса яна ҳам яхшироқ. Одатдаги офис жиҳозлари — бундай машқлар учун жуда мувофиқ материал. Агар қўл остингизда фақат скотч ва қисқичлар бўлса, унда тасаввурни ишга солишга тўғри келиши аниқ.
Манба: «Лайфхакер»
Изоҳ (0)