Ўтган ҳафта Лос-Анжелесдаги туманларнинг бирида актёр Бред Питтни муҳтожларга овқат тарқатаётган вақтида пайқаб қолишди, деб хабар беради Daily Mail.
Питт бир неча соат давомида ниқоб таққан ҳолда кундалик кийимида юк машинасидаги озиқ-овқатлар ортилган қутиларни ташиб, одамларга тарқатган. Гувоҳларнинг таъкидлашича, у ўзини жуда табиий тутган ва «ишга мутлақ шўнғиб кетган». Одамларнинг кўпчилиги Голливуд юлдузидан ёрдам олаётганини билмаган ҳам.
«Гап унинг машҳурлигида эмас эди, у бундан шахсан мамнун эканлиги кўриниб турарди. Менимча, у ростан ҳам ўзи яхши кўрган ишни қилаётган эди», — дейди гувоҳлардан бири.
Питтни танаффус вақтида, сигарет чекиш учун ниқобини ечганида таниб қолишган. У худди одамлар каби қаҳва ичиб, атрофдагилар билан бемалол суҳбатлашиб ўтирган.
Аввалроқ Том Круз Британиядаги кафелардан бирига тушлик қилиш учун шахсий вертолётида келгани тўғрисида хабар берилганди.
Изоҳ (0)