Индонезиялик тобут ясовчи Жошуа Хутагалунг уйининг томига метеорит тушганидан сўнг миллионерга айланди. Бу ҳақда The Sun хабар берди.
Таъкидланишича воқеа 2020 йилнинг август ойида содир бўлган. Жошуа ўз уйи олдида тобут ясаётган вақтда оғирлиги 2,2 килограмм бўлган самовий жисм айвоннинг тунука томини тешиб ўтиб, ерга 15 сантиметр чуқурликка тушган. Тошни қазиб олишга муваффақ бўлган Жошуа метеоритни ҳалиям илиқлигини ва қисман синганини аниқлаган.
Тош жуда кам учрайдиган карбонли хондрит CМ1/2 деб таснифланган. Шунингдек, тошни АҚШдан келган коллекциячи 1,9 миллион долларга сотиб олган. Жошуа топган пули эвазига ўз жамоатида черков қуришга ваъда берган ва нафақага чиқиб, уч фарзандига кўпроқ вақт ажратишга қарор қилган.