Ҳиндистонда ёлғиз йўлбарс ўзига жуфт қидириб рекорд даражадаги уч минг километр йўлни босиб ўтди, деб хабар беради BBC News.
Ўрмончилар 3,5 ёшли саёҳатчи йўлбарсга Walker деб ном қўйган. У Махараштра штатини 2019 йилнинг июнида тарк этган. Шундан буён йиртқич GPS-бўйинбоғ ёрдамида кузатиб келинган. Йўлбарс тўққиз ой давомида Махараштранинг еттита туманини босиб ўтган, 2020 йилнинг мартида эса уни Жеруматаргаон қишлоғидаги табиат қўриқхонасига жойлаштиришган. Апрелда унинг бўйинбоғи ечилган.
Ўрмон департаментининг таъкидлашича, йўлбарс нафақат ўзига жуфт қидирган, балки егулик ва яшаш учун яхшироқ шароит топмоқчи бўлган. Айни вақтда Walker — Жеруматаргаон қўриқхонасидаги ягона йўлбарс. Ундан ташқари қўриқхонада леопардлар, нилгау (жуфт туёқли шохдор ҳайвон), тўнғизлар, товуслар ва буғулар яшайди.
Ҳайвон кузатувчилари йиртқич ўзидан авлод қолиши учун унинг олдига урғочи йўлбарсни кириш ёки киритмасликни ҳал қилади. «Аслида бу кичкина қўриқхонада. У ферма ва ўрмонлар билан ўралган. Агарда йўлбарс шу ерда кўпайса, янги туғилган йўлбарсчалар мунтазам қочиб кетади; бундан ташқари, уларга жуда кўп ҳайвон озуқалари керак бўлади», — штатнинг катта ўрмончиси Нитин Какодкар.
Экспертларнинг таъкидлашича, йиртқичда овқат танқислиги бўлмаслиги учун унинг рационида 500 га яқин тур бўлиши керак.
Изоҳ (0)