Бухоро вилоятида яқинда сотиб олинган Tracker русумли автомашинада нуқсонлар борлиги кузатилгани боис янгисига алмаштирилиб берилди, дея хабар бермоқда Истеъмолчилар ҳуқуқларини ҳимоя қилиш жамиятлари федерацияси.
Қайд этилишича, Бухоро вилоятида яшовчи фуқаро Н.С. Ўзбекистон истеъмолчилар ҳуқуқларини ҳимоя қилиш жамиятлари федерацияси Бухоро вилоят ҳудудий бирлашмасига ёзма мурожаат қилган.
Мурожаатда фуқаро Бухоро шаҳридаги автосалонга 189 миллион сўм тўловни амалга ошириб, Tracker автомашинасини харид қилгани, бироқ, ҳали 10 километр ҳам юриб улгурмасидан нуқсонлар ва ноодатий товушлар сезилганини, бу борада бир неча маротаба автосалон мутасаддиларига мурожаат қилган бўлса-да, масалага ечим топилмагани айтилган.
Маълум қилинишича, мазкур мурожаатни ўрганиш давомида, истеъмолчига янги автомобиль топширилган, сифатсиз автоулов эса автосалонга қайтарилган.
Аввалроқ Расул Кушербаев UzAuto Motors машиналарини олиш учун 85 фоизлик олдиндан тўлов тартибини танқид қилган эди.
Мавзуга доир:
- Россиялик рэпер Моргенштерн бухоролик йигитга совға қилган Mercedes’ни Ўзбекистонга олиб кириши учун қанча божхона божи тўлаши ҳисоблаб чиқилди
- UzAuto Motors талаб юқорилиги сабаб уч турдаги моделларни ишлаб чиқаришни оширди
- Chevrolet Equinox Ўзбекистонда қарийб 34 минг доллардан сотилмоқда, UzAuto Motors эса уни АҚШ компаниясидан 22,8 минг долларга сотиб олади
Изоҳ (0)