Jetпакларда учиш билан танилган франциялик спортчи, каскадёр ва Jetman жамоаси учувчиси Винс Реффет машғулот пайтида Дубайда ҳалок бўлди. Meduza’нинг ёзишича, унинг ўлими ҳақида Jetman сайтидаги баёнотда маълум қилинган, тафсилотлар келтирилмаган.
Реффет 36 ёшда бўлган. Кўпчилик уни швейсариялик ихтирочи Ив Росси билан биргаликдаги трюклари орқали эслаб қолган. Хусусан, 2015 йилда улар Дубайда Emirates Airbus А380 тижорат лайнери ёнидан учиб ўтган.
Бундан ташқари, Реффет шериги Фред Фюген билан бирга Юнгфрау чўққисидан (Швейцария Алпи) сакраб, енгил самолёт бортига учиб кирган.
Сўнгги йилларда Реффет Ив Росси ихтиро қилган реактив қанотли жетпакда учаётганди. 2020 йил февралида Jetman ранецида Реффет ердан парвоз қилиб, денгиз сатҳидан 1,8 километр баландликка кўтарилди. Бунгача унинг жамоа аъзолари учар қурилманинг ўзига хос конструкцияси туфайли бунинг уддасидан чиқа олмаган.
Изоҳ (0)