Jetpaklarda uchish bilan tanilgan fransiyalik sportchi, kaskadyor va Jetman jamoasi uchuvchisi Vins Reffet mashg‘ulot paytida Dubayda halok bo‘ldi. Meduza’ning yozishicha, uning o‘limi haqida Jetman saytidagi bayonotda ma’lum qilingan, tafsilotlar keltirilmagan.
Reffet 36 yoshda bo‘lgan. Ko‘pchilik uni shveysariyalik ixtirochi Iv Rossi bilan birgalikdagi tryuklari orqali eslab qolgan. Xususan, 2015-yilda ular Dubayda Emirates Airbus A380 tijorat layneri yonidan uchib o‘tgan.
Bundan tashqari, Reffet sherigi Fred Fyugen bilan birga Yungfrau cho‘qqisidan (Shveysariya Alpi) sakrab, yengil samolyot bortiga uchib kirgan.
So‘nggi yillarda Reffet Iv Rossi ixtiro qilgan reaktiv qanotli jetpakda uchayotgandi. 2020-yil fevralida Jetman ranetsida Reffet yerdan parvoz qilib, dengiz sathidan 1,8 kilometr balandlikka ko‘tarildi. Bungacha uning jamoa a’zolari uchar qurilmaning o‘ziga xos konstruksiyasi tufayli buning uddasidan chiqa olmagan.
Izoh (0)