DxOMark мутахассислари iPhone 12 Pro Мах’нинг асосий камералари устида ўтказилган тестларнинг батафсил ҳисоботи билан бўлишди, деб хабар беради IXBT.
Модель iPhone 12 Pro’дан кенг бурчакли камера датчиги, оптик зум имконияти ва барқарорлаштирувчи оптикаси билан фарқ қилади. Бу каби яхшиланишлар ўз мевасини берган: iPhone 12 Pro Мах 130 балл тўплаб, iPhone 12 Pro’ни рўйхатнинг тўртинчи поғонасидан тушириб юборган. Шунга қарамай, Apple компаниясининг энг қиммат ва замонавий iPhone қурилмалари ҳам Huawei ҳамда Xiaomi флагманларидан ортда қолган. Рўйхатнинг учинчи ўрнида жойлашган Huawei P40 Pro яқинда бу жойга чиққанига ярим йил тўлади.
iPhone 12 Pro Мах суратга олиш борасида 138 балл, зум имкониятлари бўйича — 68 балл, видео тасвирга олиш бўйича — 113 балл тўплаган. Таққослаш учун, iPhone 12 Pro’нинг худди шу кўрсаткичлар бўйича натижаси: 135, 66 ва 112 балл. Тестдан кўриш мумкинки, Apple флагманида асосий эътибор фото суратга олишга қаратилган.
iPhone 12 Pro Мах камерасининг ўзига хос жиҳати — тезкорлиги ва аниқ автофокуси, яхши ёритилган жойдаги тўғри экспозицияси, майда деталларгача юқори тиниқлиги, видеога олишда кенг динамик диапазонга эгалиги ҳамда самарали барқарорлаштиргич тизими. Минус томонлари — фото суратга олишдаги динамик диапазоннинг чеклангани, суратдаги шовқинлар, айниқса, хира ёритилган жойларда, HDR суратга олишдаги нотабиий ранглар, фото суратга олишда турли артефактлар.
DxOMark’нинг ёзишича, аппрат энг яхши камерага эга бўлмаса-да, ўзидан олдинги вакилларидан барча параметлар бўйича устун туради.
Аввалроқ iPhone 12 мини ва iPhone 12 Pro Мах’нинг илк эгалари ижтимоий тармоқлар орқали ўз таассуротлари билан бўлишишни бошлагани тўғрисида хабар берилганди.
Изоҳ (0)