Актёр Дуэйн Жонсон ўзининг Instagram саҳифасида «Қизил хабарнома» (2021 йилда Netflix’да чиқиши кутилаётган) жанговар фильмини суратга олиш ишлари тўғрисида айрим жараёнларни маълум қилди. Аниқроғи, суратга олиш амалга ошмаган саҳна ҳақида.
Фильм режиссёри Роусон Маршалл Тербер Жонсоннинг қаҳрамони оқ Porsche’га сакраши керак бўлган вақтда ким биландир пойга қилишини ўйлаб топди. Ушбу саҳна учун суратга олиш жамоаси томонидан бир неча ой машинанинг ўзини излаб топилди ва катта миқдордаги тўлов туфайли суратга олиш майдончасига келтирилди. Ва ниҳоят ҳаммаси тайёр бўлганда муаммо пайдо бўлди. Афсуски, Жонсон спорткарга сиғмади. Унинг сўзларига кўра, бир неча маротаба такрорланган уриниш ҳам иш бермаган.
«Мен танга тиқиладиган тешикка сиғишга уринаётган жигарранг егуликка ўхшар эдим», − дейди актёр. – Роусоннинг 15 сониялик сукунатидан сўнг мен ва бутун жамоа кулишни бошладик. Жин урсин, 2020 йилга хуш келибсиз. Охир-оқибат биз тезкор фикр юритиш қобилиятимизни ишга солдик ва саҳнага ўзгартириш киритиш учун ижодий усулларни ўйлаб топдик».
Актёрнинг сўзларига кўра, саҳна бошқачароқ тарзда суратга олиниши керак эди, аммо монтаж жараёнида барибир олиб ташланди.
Мавзуга доир:
- Ҳечдан кўра кеч: Шварсенеггер илк бор сериалда бош қаҳрамон ролини ўйнайди
- Таниқли актёр Жейсон Момоа «Тахтлар ўйини»дан сўнг моддий қийинчиликларга учраганини маълум қилди (фото)
- Орол, пойабзал ва Tesla. Иштироки ҳар бир фильмга муваффақият келтирувчи актёр – Леонардо Ди Каприо гонорарини нималарга сарфлайди?
Изоҳ (0)