Афсуски, бугунги кунда дунё бўйича 40 миллионга яқин инсон чалинган Альцгеймер касаллигини тўхтатадиган дори топилганича йўқ. Аммо кўпчилик бойни ҳам, камбағални ҳам аямайдиган касалликнинг олдини олишга умид боғламоқда. «Film.ru» сайти ушбу касалликка дуч келган 5 таниқли актёр ҳақида маълумотлар билан бўлишди.
Шон Коннери
Машҳур актёр Шон Коннери яқинда 90 ёшида вафот этди. Унинг рафиқаси 91 ёшли рассом Мишелин Рокбрюн турмуш ўртоғи ҳаётининг сўнгги йилларини деменция – тафаккур бузилиши касаллиги билан ўтказганини таъкидлайди. Касаллик туфайли у бу ҳаётни тарк этди. У ҳатто гапиришга ҳам қийналиб қолган эди. Рокбрюннинг сўзларига кўра, актёр уйқусида вафот этган ва бу жуда сокинлик билан юз берган. Рокбрюн Коннери билан 45 йил бир оила бўлиб яшаган ва бир-бирини жуда ҳам қаттиқ яхши кўрган. Турмуш ўтоғининг сўнгги дамларида Мишелин доимо у билан бирга бўлган.
Робин Уильямс
2014 йил 12 август куни актёр Робин Уильямс Калифорниядаги уйида ўлик ҳолда топилган. Ўлим сабаби ўз жонига қасд қилиш бўлиб, бу актёрнинг саломатлиги билан боғлиқ. Маълум бўлишича, актёрда ваҳиманинг кучайишига сабаб бўлувчи деменция аломатлари кузатилган. Шунга ўхшаш касаллик дунё бўйлаб миллион одамда аниқланади, аммо ҳамиша ҳам тўғри ташхис қўйилавермайди. Аммо актёрнинг рафиқаси актёрнинг ўз жонига қасд қилишига депрессия сабаб бўлгани ҳақидаги миш-мишларни рад этган.
Питер Фальк
Афсонавий актёр Питер Фальк 81 ёшида Альцгеймер касаллигига чалинган. 2008 йилда уни йўл четида дастлаб ғалати аҳволда кўришган, шундан сўнг у ўзини машина остига ташлаган. Актёр дарҳол шифохонага олиб борилган ва у ерда шифокорлар даҳшатли касалликни аниқлаган. Актёр ўша воқеадан сўнг фильмларда кўп роль ижро этмади. 2011 йил 23 июнь куни 83 ёшида юрак хуружидан вафот этди.
Рита Хейворт
Голливуднинг энг ёрқин юлдузларидан бири ўтган асрнинг 70 йилларида хотирасини йўқота бошлади. Аввалига бошқалар ундаги хотиранинг йўқолиши спиртли ичимлик ичиш билан боғлиқ деб ҳисоблаган. Аммо кейинчалик шифокорлар Хейвортга деменция – тафаккур бузилиши касаллигининг ташхисини қўйган. 80 йилларга бориб актрисанинг аҳволи ёмонлаша бошлаган ва 1987 йилда 68 ёшида вафот этган.
Жеймс Стюарт
Кўпчилик Стюартни «Филадельфия воқеаси» ва «Бу ажойиб ҳаёт» фильмларидаги роллари билан эслайди. У актёрлик карьерасининг 55 йилида 80 та фильмга суратга тушган. Деменция касалига чалинганига қарамай, 89 йил умр кўрган. 1997 йилга келиб юрак хуружидан вафот этган.
Изоҳ (0)