Harper’s Bazaar сайтида маълум қилинишича, айрим ҳолларда сут билан чой ичиш мунозараларга сабаб бўлмоқда. Олиб борилган тадқиқотларда бу ҳақда нима дейилган? Марҳамат, уларнинг натижаси билан танишиб чиқинг.
Қора ва кўк чойлар дунёдаги энг машҳур ичимликлардан бири ҳисобланади. Иккаласи ҳам аслида бир ўсимлик баргидан тайёрланади. Фақатгина етукликнинг турли босқичларида териб олиниб, ҳар хил усуллар билан қайта ишланади. Уларнинг бари антиоксидантларга бой. Чой таркибидаги флавоноидлар организм ҳужайраларини эркин радикаллар таъсиридан ҳимоя қилади. Эрта қариш ва турли касалликларнинг келиб чиқишига сабаб бўладиган оксидланиш жараёнининг олдини олади.
Аммо айрим ҳолларда сут билан чой ичиш мунозараларга сабаб бўлаётгани кузатилмоқда. Аввало, катта ёшдаги инсонлар учун лактозанинг фойдалари шубҳали. Кўпгина мутахассислар ҳаттоки лактоза интолеранси бўлмаган одамлар ҳам уни умуман истеъмол қилишлари мумкин эмас, деган фикрга қўшилади. Бироқ бу саволга ҳали ҳам аниқ жавоб топилмаган. Олимлар сут чиндан ҳам фойдалими ёки йўқ, ҳанузгача исботламади.
Бошқа томондан олиб қараганда, сут соғлом ва нормал тўқималарнинг тикланиши учун зарур бўлган оқсил, кальций ва калийга бой бўлган маҳсулотдир. Чойга сут қўшилса, унинг озуқавий фойдалари чой антиоксидантлари билан бирлашади. Бир қанча тадқиқотлар эса ушбу тендемнинг юқори холестерин билан курашиш ва қон томирларини тозалашдаги самарадорлигини қўллаб-қувватлайди. Сутли чой қаҳва каби овқат ҳазм қилиш тизимининг шиллиқ пардаларини безовта қилмасдан тетиклашишга ёрдам беради.
Шундай қилиб, агар сут кунлик рациондан жой олган бўлса ва лактоза яхши қабул қилинса, сутли чойдан бемалол ичиш мумкин. Иккала маҳсулот таркибидаги фаол моддаларнинг ўзаро таъсири туфайли бундай танлов танага фақатгина фойда келтириши мумкин.
Изоҳ (0)