Қалин ва порлоқ сочларни сақлаб қолиш учун қанчалар қимматли маҳсулотлардан фойдаланманг, улар тўкилишда давом этади. Муаммони бартараф этиш учун унинг асл сабабини топиш керак. Бу ҳақда Instyle навбатдаги фойдали маълумотлар билан бўлишди.
Гормонал мувозанат
Бу, эҳтимол, тана зарарланишининг энг кенг тарқалган сабаби бўлиши мумкин. Реакциялар тери муаммоларидан тортиб вазннинг кескин ўзгаришига ҳам олиб келади. Шунингдек, сочларнинг тўкилиши ҳам шу билан боғлиқ. Андроген гормонларининг кўплиги сочларда қуруқлик, мўртликни келтириб чиқаради. Шифокор кўригидан ўтиш ва буюрилган муолажа муаммони осонликча ечишга ёрдам беради.
Стресс
Бу эртак эмас, ортиқча стресс нафақат туйғуларга, балки ташқи кўринишга ҳам таъсир қилади. Айнан стресс ҳам организмда андроген моддаларининг кўпайишига сабаб бўлади. Бундан ташқари, асаб таранглиги туфайли уйқунинг бузилиши ва овқатланиш режими бузилади. Бу эса сочлар саломатлигига путур етказади ва тўкилишига олиб келади.
Темир моддаси танқислиги
Бошқача қилиб айтганда, бу анемия. Соч тухумдонларини озиқлантирувчи ва ўсишини таъминлайдиган оқсилни ишлаб чиқариш учун темир моддаси масъулдир. Шунинг учун аччиқ шоколад, жигар, ясмиқ ва исмалоқ истеъмол қилиш тавсия этилади.
Қалқонсимон без билан боғлиқ муаммолар
Қалқонсимон без оқсил ва кислород ишлаб чиқарилишини назорат қилиш орқали модда алмашинуви учун жавобгардир. Шунинг учун қалқонсимон без билан боғлиқ ҳар қандай муаммо тухумдонларга салбий таъсир қилиши мумкин.
Б12 витамини етишмаслиги
Меъёрида ухлаганда ҳам чарчоқ ҳиси пайдо бўладими? Демак, Б12 витамини керак. Бу эса кислородни соч тухумдонларига етказувчи қизил қон ҳужайралари етишмаслигидан дарак беради. Айтганча, бу кўпинча Б12 ни ўз ичига олган ҳайвон оқсилларини истеъмол қилмайдиган инсонларда учрайди.
Изоҳ (0)