Кўз тагида қора ҳалқалар борлиги ташқи кўринишга таъсир қилибгина қолмай, саломатликда муаммо борлигидан ҳам дарак беради. Уларни бартараф қилиш учун келиб чиқиш сабаби ва нима билан боғлиқлиги ҳақида маълумотга эга бўлиш керак.
Қандай сабаб бўлиши мумкин?
Наслий бўлиши мумкин
Сиздаги бу муаммо оила аъзоларингизнинг бирида бўлиши ва наслдан-наслга ўтган бўлиши эҳтимоли йўқ эмас.
Тери ранги билан боғлиқ бўлиши мумкин
Териси оқ кишилардан кўра буғдойранг кишиларнинг ушбу муаммога дуч келиш эҳтимоли юқори.
Ёш
Бу энг асосий сабаблардан бири ҳисобланади. Чунки ёш ўтиши билан кўз атрофидаги тери юпқалашади ва ёқимсиз қора ҳалқалар, шиш ва ажинлар пайдо бўла бошлайди.
Уйқу етишмаслиги
Уйқуга тўймаслик нафақат ички аъзолар, балки ташқи кўринишга ҳам таъсир қилади. Соғлом ва тинч уйқу бўлмагани сабаб тери таранглиги ва эластиклигини йўқотади. Бунинг оқибатида эса кўз тагидаги қора ҳалқалар сезиларли даражада кўзга ташланади.
Анемия
Темир моддасининг етишмаслиги тез ҳолдан тойиш, ҳолсизликка сабаб бўлади, бу эса ўз навбатида ташқи кўриниш, хусусан, кўз атрофидаги терида ҳам акс этади.
Чекиш
Никотин уйқуни маромида бўлмаслигига ва организм сувсизланишига сабабчи бўлади. Организмдаги сув баланси эса ташқи кўринишнинг қандай бўлишида муҳим рол ўйнайди.
Қалқонсимон без билан боғлиқ муаммо
Гормонлар ишлаб чиқарилишида муаммо бўлиши нафақат кўз остидаги терида балки организм саломатлигида ҳам муаммо бўлишига сабабчи бўлади.
Қуёш нурлари
Қуёшнинг ультрабинафша нурлари меланин ишлаб чиқарилишига таъсир қилади бу эса кўз остидаги терининг янада тўқлашишига сабаб бўлади.
Чекишни ташлаш, SPF кремлардан фойдаланиш, 7 соатдан кам бўлмаган уйқу ва соғлом ҳаёт тарзига амал қилиб буларни бартараф қилиш мумкин. Агар булар ҳам ёрдам бермаса, таркибида гиалурона кислотаси бўлган филлер муолажасидан фойдаланиш мумкин. Бир соат давом этадиган муолажа таъсири 6-14 ойга етади.
Аммо косметик муолажаларни амалга оширишни истамайдиганлар учун ҳам ечим мавжуд. Бунинг учун рационга қуйидаги маҳсулотларни киритиш ва тўғри овқатланишга риоя қилиш керак.
Помидор
Таркибида ликопин мавжуд бўлган помидор, қон томирларга (хусусан кўз остидаги) ижобий таъсир қилади ва қон айланишини яхшилайди.
Бодринг
Таркибида сув миқдори юқори бўлгани учун ҳам унинг истеъмолидан кейин тери ички томондан намлантиради. Сув юқорида таъкидланганидек, ташқи кўриниш соғлом бўлиши учун муҳим ҳисобланади. Уни истеъмол қилиш, шунингдек, юзга ниқоб сифатида ҳам ишлатиш мумкин.
Кунжут
Кунжут чарчоққа хос аломатларни камайтириш хусусиятига эга бўлган антиоксидантлар ва кўз саломатлиги учун муҳим синалган Э витамин бўлади.
Черника, смородина
Черника, смородина каби меваларда антоциан бўлади. Ушбу антиоксидант терини қон, хусусан, кислород билан таъминланишида муҳим рол ўйнайди.
Тарвуз
Тарвуз таркибини бодринг ва помидор таркиби умумлашмасига ўхшайди, деса хато бўлмайди. Чунки унда бодрингдаги сингари сув ва помидордаги каби ликопин мўл бўлади. Бунинг устига мазали ва хушбўй ҳидга эга.
Изоҳ (0)