«Барселона» 2021 йилнинг ёзида ҳужумчи Лионель Мессига содиқлик учун 33 миллион евро миқдорида бонус пули тўлаб бериши керак, дея хабар қилмоқда ESPN.
Клуб ва 33 ёшли футболчи ўртасида 2017 йилда имзолаган 4 йиллик шартномага кўра, ушбу бонус назарда тутилган. 2020 йилнинг февраль ойида Месси мазкур бонуснинг биринчи қисмини олган ва у ҳам 33 миллион еврога тенг эди.
Таъкидланишича, Месси шартнома узайтиргани учун яна 100 миллион евро миқдорида бонусга эга бўлган ва бу миқдор унга шартнома муддати давомида тўлаб келинган.
Эслатиб ўтамиз, Месси август ойида каталонлар сафини тарк этиш ниятида эканини расман маълум қилди. Бироқ «Барселона» раҳбарияти уни текинга қўйиб юборишни истамади. Оқибатда 33 ёшли футболчи жамоа билан судлашишни истамади ва 2021 йилга қадар мўлжалланган шартномаси тугагунга қадар «Барселона»да қолишга қарор қилди.
Аргентиналик футболчи Ла Лига 2020/21 йилги мавсумида еттита ўйин ўтказиб, учта гол уришга эришди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)