Ҳиндистонлик Архам Ом Талсания етти ёшга тўлишига бир кун қолганда Гиннеснинг рекордлар китобига дунёдаги энг ёш дастурчи сифатида киритилди. Бу ҳақда «Korrespondent.net» хабар беради.
У ўз мақомини тасдиқлаш учун Python дастурлаш тили ўқув курсида ўқиди ва Microsoft сертификатлаш имтиҳонидан муваффақиятли ўтди.
Боладаги дастурлашга қизиқиш унинг отаси сабабли пайдо бўлган. «Отам менга дастурлашни ўргатган. Мен икки ёшлигимда планшетлардан фойдаланишни бошладим. Уч ёшимда iOS ва Windowsли гаджетларга эга бўлдим», − дейди Архам.
Дастлаб Архам кичик-кичик ўйинлар дастурини ёзишни бошлаган ва Гиннеснинг рекордлар китоби вакиллари билан алоқага чиқиб, уларга ўз ишларининг намуналарини юборишини айтган. Олиб борилган текширувлардан сўнг болага дунёдаги энг ёш дастурчи унвонини тасдиқловчи сертификат берилди.
Архамнинг орзуси тадбиркор бўлиш ва ҳаммага ёрдам бериш. «Мен тадбиркор бўлишни истайман ва ҳаммага ёрдам бермоқчиман. Дастурлаш учун илова, ўйин ва тизимлар яратмоқчиман. Шунингдек, муҳтожларга ёрдам беришни хоҳлайман» – дейди ёш дастурчи.
Мавзуга доир:
- Америкада 11 ёшли бола аэрокосмик муҳандислик факультетига ўқишга кирди
- Канадада 12 ёшли бола 69 миллион йил аввал яшаган динозавр скелетини топиб олди
- Америкалик 11 ёшли ўқувчи мактаб автобусини ҳайдаб қочди. Полициячилар уни ярим соат қувлади
- Австралияда саккиз ёшли болакай аукцион орқали бешта квартира сотиб олди
Изоҳ (0)