Ёввойи табиат сураткаши Уильям Стил Ботсванадаги Габорон қўриқхонасида иккита маймун ўртасида содир бўлган драматик лаҳзани тарихга муҳрлади. Сураткашнинг сўзларига кўра, маймунлардан бири, афтидан, бошқасига сунъий нафас берган, деб ёзади Daily Mail.
Суратдан кўриш мумкинки, маймун ўзининг яқинига юрак-ўпка жонлантириш машқини бажараётгандек. Бироқ навбатдаги кадр маймун шунчаки унга ғамхўрлик қилаётганини кўрсатади.
«Маймун панжаларини хавф остига қўйиб, йиқилиб тушди. Аввалига нима бўлаётганини тушунмай қолдим, бироқ камерани олганимда бошқа бир маймун шошиб келиб, ётган маймунни қўлига олди ва сунъий нафас бера бошлади. Ўйлаб кўрсам, менимча, бу урғочи маймун томонидан шунчаки эътибор талаби бўлган экан. Бу суратга олиш учун жуда қизиқарли лаҳза», — дейди сураткаш.
Аввалроқ Ҳиндистоннинг Кендужҳар шаҳрида маймун ҳалок бўлган боласини бағрига босганича бир неча кун тентираб юргани ҳақида хабар берилганди.
Изоҳ (0)