Hindistonlik Arxam Om Talsaniya yetti yoshga to‘lishiga bir kun qolganda Ginnesning rekordlar kitobiga dunyodagi eng yosh dasturchi sifatida kiritildi. Bu haqda “Korrespondent.net” xabar beradi.
U o‘z maqomini tasdiqlash uchun Python dasturlash tili o‘quv kursida o‘qidi va Microsoft sertifikatlash imtihonidan muvaffaqiyatli o‘tdi.
Boladagi dasturlashga qiziqish uning otasi sababli paydo bo‘lgan. “Otam menga dasturlashni o‘rgatgan. Men ikki yoshligimda planshetlardan foydalanishni boshladim. Uch yoshimda iOS va Windowsli gadjetlarga ega bo‘ldim”, − deydi Arxam.
Dastlab Arxam kichik-kichik o‘yinlar dasturini yozishni boshlagan va Ginnesning rekordlar kitobi vakillari bilan aloqaga chiqib, ularga o‘z ishlarining namunalarini yuborishini aytgan. Olib borilgan tekshiruvlardan so‘ng bolaga dunyodagi eng yosh dasturchi unvonini tasdiqlovchi sertifikat berildi.
Arxamning orzusi tadbirkor bo‘lish va hammaga yordam berish. “Men tadbirkor bo‘lishni istayman va hammaga yordam bermoqchiman. Dasturlash uchun ilova, o‘yin va tizimlar yaratmoqchiman. Shuningdek, muhtojlarga yordam berishni xohlayman” – deydi yosh dasturchi.
Mavzuga doir:
- Amerikada 11 yoshli bola aerokosmik muhandislik fakultetiga o‘qishga kirdi
- Kanadada 12 yoshli bola 69 million yil avval yashagan dinozavr skeletini topib oldi
- Amerikalik 11 yoshli o‘quvchi maktab avtobusini haydab qochdi. Politsiyachilar uni yarim soat quvladi
- Avstraliyada sakkiz yoshli bolakay auksion orqali beshta kvartira sotib oldi
Izoh (0)