АҚШ ва Буюк Британия G7 саммитида автомобиллар божларини пасайтириш тўғрисида расмий фармон имзолади. Бу ҳақда BBC хабар берди.
Ушбу фармон билан май ойида тузилган икки давлат ўртасидаги тарифлар бўйича келишувнинг бир қисми кучга киради. Канадада бўлиб ўтган G7 саммитида сўзга чиққан Буюк Британия бош вазири Кир Стармер саммитни икки давлат учун “жуда муҳим кун” деб атади.
Келишув Буюк Британиянинг аксарият товарлари, шу жумладан, автомобиллар учун 10 фоизлик йиғимни ўз ичига олади. Унга кўра, АҚШ май ойида келишилган шартлар бўйича 2025 йил бошида барча автомобиллар импортига қўйилган 25 фоизлик импорт солиғи ўрнига 10 фоизлик тариф жорий этилиб, 100 мингтагача автомобиль АҚШга киритилади. Бироқ ушбу фармон пўлат савдоси тарифларини ўз ичига олмаслиги айтилган.
“Биз сизга бу маълумотни қисқа вақт ичида тақдим этамиз”, деди Трамп Буюк Британия учун пўлат тарифлари жорий қилинадими, деган саволга.
Буюк Британия ҳукумати эса асосий пўлат маҳсулотларига тарифлар олиб ташланмагунича Штатлар билан музокара олиб боришини билдирган. АҚШ—Буюк Британия божлари бўйича келишув расмий эълон қилинган кундан 7 кун ўтиб кучга кириши режалаштирилган.
Изоҳ (0)