«Ювентус» ҳужумчиси Криштиану Роналду фаолиятини Премьер Лигада давом эттириши мумкин.
FOX журналисти Кристиан Мартиннинг хабар қилишича, «Манчестер Юнайтед» португалиялик футболчини қайтаришни хоҳламоқда. Клуб Криштиану билан боғланган ва у таклифни ўрганиб чиқишини маълум қилган.
Шу билан бирга, агар, Роналду кетишни истаса туринликлар клуби музокараларга киришишга тайёр.
Роналду 2003—2009 йиллар мобайнида «Манчестер Юнайтед» сафида тўп сурган. У манкунианлар жамоасида тўққизта соврин ютиб олган, улар орасида учта Премьер Лига ва битта Чемпионлар Лигаси бош соврини бор. Роналду шунингдек, фаолияти мобайнида «Спортинг» ва «Реал» каби жамоаларда ҳаракат қилган, 2018 йилда эса «Ювентус»га ўтган.
35 ёшли ҳужумчи 2020/21 йилги мавсум А Серияда 4 та ўйин ўтказиб, 6 гол ва битта голли узатмага муаллиф бўлди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!