Британия қўшинлари денгиз йўли орқали гуманитар ёрдам етказишда кўмаклашиш учун Ғазога жўнатилиши мумкин. Бу ҳақда BBC нашри хабар берди.
Ҳозирда Ғазога гуманитар ёрдам Ғарб томонидан асосан АҚШ воситачилигида денгиз йўли орқали жўнатилмоқда. АҚШ ҳукумати ёрдам олиб бораётган Вашингтон ҳарбийлари қуруқликка чиқмаслигини қатъий таъкидлаган эди.
Манбада айтилишича, келаси ойдан бошлаб Фаластин анклавига ёрдам жўнатиш Британия ҳарбийлари қўлига ўтади. Расмий Лондон ҳарбийлар анклав ҳудудига киришини ҳам айтиб ўтган.
Whitehall манбасига кўра, бу борада амалда ҳеч қандай қарор қабул қилинмаган. Британия бош вазири бу борадаги қарорни ҳали тасдиқламаган.
Буюк Британия расмийлари Ғазога юборилиши айтилаётган ҳарбий қисмларга ҲАМАС ва бошқа гуруҳлар томонидан ҳужум қилиниши эҳтимолини инобатга олган. Қатор давлат мутасаддилари ушбу сабабдан қарор қабул қилиниши керак эмаслигини билдирган.
Аввалроқ, АҚШ мудофаа вазирлиги расмийлари Америка армияси кемаси шарқий Ўрта Ер денгизида катта сузувчи порт қуришни бошлаганини айтган эди. Келгусида бу иншоотдан узлуксиз гуманитар ёрдам етказиш учун фойдаланилади.
Изоҳ (0)