Бокс бўйича оғир вазн тоифасида WBC чемпионлик камари соҳиби Тайсон Фьюри (31-0-1, 21 КО) собиқ чемпион Деонтей Уайлдер (42-1-1, 41 КО) билан учинчи жанги нима сабабдан бекор қилинганини айтди.
«Аввалига биз 18 июлда жанг қилишимиз керак эди. У жароҳат олгани боис жанг қолдирилди. Баҳсни уч ой кейинга қолдирдик ва октябрда ўтказишга келишдик. Бироқ яна ўхшамади.
Кейин уларда декабрь ойи учун учта вариант бор эди: 5, 12 ва 19 декабрь. Мен бу учта сананинг исталганида жанг қилишга тайёр эдим, шунда ҳам фойда бермади. Мен уни умрбод кута олмайман», — дейди Фьюри.
Тайсон Фьюри ўзининг навбатдаги жангини 5 декабрь куни ўтказади. Унга Европа собиқ чемпиони, германиялик Агит Кабаел (20-0, 13 КО) рақиблик қилади. Жанг Лондонда ўтказилади.
Тайсон Фьюри ва Деонтей Уайлдер иштирокидаги жангларни томоша қилинг (видео)
Эслатиб ўтамиз, 2018 йилнинг декабрь ойида бўлиб ўтган биринчи баҳсда ғолиб номи аниқланмаганди. 2020 йилнинг февраль ойида ўтказилган иккинчи жангда эса Фьюри Уайлдерни еттинчи раундда техник нокаут билан мағлубиятга учратган ва WBC чемпионлик камарини ундан тортиб олганди.
Изоҳ (0)