Toshkent vaqti bilan 23-fevral tongida Las-Vegasda professional boks kechasi tashkil etildi.

Foto: Getty Images

Kechaning asosiy jangi yengilmas bokschilar Deontey Uaylder (43-1-1, 41 KO) va Tayson Fyuri (30-0-1, 20 KO) o‘rtasida kechdi. Unda Tayson Fyuri muddatidan avval g‘oliblikni qo‘lga kiritdi.

Jang to‘liq britaniyalik bokschi ustunligida kechdi. Fyuri uchinchi va beshinchi raundlarda raqibini nokdaun holatiga tushirdi. Yettinchi raundga kelib Fyurining ketma-ket zarbalaridan keyin Uaylderning murabbiylari ringga oq sochiq uloqtirdi va hakam jangni to‘xtatdi.

Shu tariqa Tayson Fyuri Uaylderdan WBC kamarini tortib oldi.

Qayd etish joiz, ushbu sportchilar 2018-yil 1-dekabrida bir-biriga qarshi ringga chiqqan, 12-raundlik jang yakuniga ko‘ra hakamlar durang natijasini qayd etgandi.

Jang videosini UFCBOXUZ Telegram kanalida tomosha qilish mumkin.

Tas-IX emas