«Ливерпуль» ҳимоячиси Трент Александер-Арнольд Премьер Лига 8-тури доирасида «Манчестер Сити»га қарши кечган баҳсда (1:1) жароҳат олди.
Англиялик футболчи учрашувнинг 63-дақиқасида захирага олинганди. Маълум бўлишича, Трент болдир мушакларини шикастлаб олган ва унинг тикланишига тўрт ҳафта вақт кетади.
Шу тариқа 22 ёшли ҳимоячи «Лестер», «Аталанта», «Брайтон» ва «Аякс»га қарши ўйинларни ўтказиб юборади. Шунингдек, «Вулверҳэмптон» ва «Мидтюлланд»га қарши баҳслардаги иштироки ҳам сўроқ остида қолмоқда.
Александер-Арнольд Премьер Лигаси жорий мавсумида 8 ўйин ўтказиб, битта голли узатмага муаллифлик қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)